ចិនជំរុញឱ្យមានសាមគ្គីភាពក្នុងអង្គការសហប្រតិបត្តិការសៀងហៃ ឯរុស្ស៊ីអរគុណសម្ព័ន្ធមិត្តចំពោះការគាំទ្រខ្លួនក្នុងរឿងទាហានបះបោរ
ដោយ
ប្រធានាធិបតីចិន លោក ស៊ី ជីនពីង កាលពីថ្ងៃអង្គារ ទី ៤ ខែកក្កដា បានជំរុញឱ្យមេដឹកនាំនៃប្រទេសរុស្ស៊ី អ៊ីរ៉ង់ និងរដ្ឋសមាជិកផ្សេងៗទៀតក្នុងអង្គការសហប្រតិបត្តិការសៀងហៃ បង្កើនទំនាក់ទំនងគ្នា និងទប់ទល់នឹងការដាក់ទណ្ឌកម្ម។ អំឡុងកិច្ចប្រជុំអនឡាញនោះ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានថ្លែងអំណរគុណសម្ព័ន្ធភាពនេះ ចំពោះការគាំទ្ររុស្ស៊ីអំឡុងពេលមានការបះបោរមិនបានស្រេចរបស់ក្រុមទាហានស៊ីឈ្នួលវ៉ែកនើរកាលពីខែមុន។ នេះបើតាមការចុះផ្សាយដោយសារព័ត៌មានបារាំង AFP។