#សារពើពន្ធ

ក្រសួងហិរញ្ញវត្ថុជប៉ុនបាននិយាយកាលពីថ្ងៃព្រហស្បតិ៍ថា ឱនភាពពាណិជ្ជកម្មរបស់ប្រទេសនេះបានកើនឡើងប្រហែលបួនដង ពោលគឺដល់ទំហំ ជិត២២ទ្រីលានយ៉េន ឬប្រហែល ១៦០ ពាន់លានដុល្លារ នៅក្នុងឆ្នាំសារពើពន្ធ ២០២២ ដែលបានបញ្ចប់នៅខែមីនា ឆ្នាំ ២០២៣ នេះ។ ទំហំពាណិជ្ជកម្មជប៉ុនជាមួយសហរដ្ឋអាមេរិកមានអតិរេក ប៉ុន្តែមានឱនភាពជាមួយប្រទេសចិន។ នៅពេលដែលធនាគារកណ្តាលអាមេរិកបាននិងកំពុងដំឡើងអត្រាការប្រាក់យ៉ាងខ្លាំង ដើម្បីទប់ស្កាត់អតិផរណាដែលកំពុងកើនឡើងដែរ គេបារម្ភកាន់តែខ្លាំងថា វាអាចធ្វើឲ្យសេដ្ឋកិច្ចកំណើនយឺត ហើយកាត់បន្ថយការនាំចេញពីប្រទេសជប៉ុន៕