#សេដ្ឋកិច្ចអាមេរិកនៅខែកុម្ភៈ

ទោះស្ថិតនៅក្នុងស្ថានភាពមិនច្បាស់លាស់បណ្តាលមកពីសង្រ្គាមរវាងរុស្ស៊ី និងអ៊ុយក្រែន និង ការកើនឡើងកំដៅការទូតជាមួយចិន ដែលជាគូប្រជែងសេដ្ឋកិច្ចរបស់ខ្លួនក្ដី តែស្ថានភាពសេដ្ឋកិច្ចអាមេរិកកាលពីខែកុម្ភៈស្ថិតនៅក្នុងស្ថានភាពវិជ្ជមានលើសពីការរំពឹងទុក។ ក្នុងនោះ ការិយាល័យស្ថិតិការងាររបស់សហរដ្ឋអាមេរិកបានអះអាងថា កាលពីខែកុម្ភៈកន្លងទៅនេះ ស្ថានភាពសេដ្ឋកិច្ចអាចបង្កើតឱកាសការងារដល់ពលរដ្ឋអាមេរិកថ្មីសរុបចំនួនប្រមាណជាង ៣១ម៉ឺននាក់ បន្ទាប់ពីបង្កើតការងារបាន ៥០ម៉ឺននាក់កាលពីខែមករា។