#សហភាពអឺរ៉ុប​

សមាជិកសហភាពអឺរ៉ុបនឹងមកជួបប្រជុំគ្នាជាថ្មីម្តងទៀត នៅថ្ងៃសុក្រសប្តាហ៍នេះ ដើម្បីស្វែងរកការគាំទ្របន្ថែមដល់ប្រទេសអ៊ុយក្រែនក្រោយរុស្ស៊ីបានកាត់យកតំបន់ភាគខាងកើតចំនួន៤បញ្ចូលក្នុងទឹកដីរបស់ខ្លួន។ ក្រៅពីនោះរបៀបវារៈសំខាន់មួយទៀតខ្វះមិនបាន គឺសំណុំរឿងថាមពលក្នុងតំបន់របស់ខ្លួន ខណៈកាលពីសប្តាហ៍មុន រដ្ឋមន្ត្រីក្រសួងថាមពលអឺរ៉ុបបានព្រមព្រៀងគ្នាម្តងហើយ លើសំណើរបស់គណៈកម្មការអឺរ៉ុបទាក់ទិនវិធានការបន្ទាន់ ដើម្បីសម្រាលបន្ទុកចំណាយផ្នែកថាមពលរបស់ពលរដ្ឋ។ នេះបើតាមការចុះផ្សាយដោយសារព័ត៌មានរ៉យទ័រ។