#សម្ភោធដាក់ឲ្យដំណើរការជាផ្លូវការហើយ

រោងចក្រផ្គុំ និងដំឡើងរថយន្តម៉ាក Ford តម្លៃជាង២០លានដុល្លារ នៅខេត្តពោធិ៍សាត់បានសម្ភោធដាក់ឲ្យដំណើរការជាផ្លូវការហើយនៅថ្ងៃទី១៦ ខែមិថុនា ឆ្នាំ២០២២នេះ។ បើតាមការវាយតម្លៃរបស់ថ្នាក់ដឹកនាំ RMA Cambodia រោងចក្រនេះ នឹងអាចមានសមត្ថភាពដំឡើងរថយន្តFord បានពី១ពាន់ ទៅ ១ពាន់៥រយគ្រឿងនៅឆ្នាំនេះ បន្ទាប់ពីដាក់ឲ្យដំណើរការ ហើយតម្លៃរថយន្ត Ford ដែលដំឡើងនៅកម្ពុជាអាចនឹងមានភាពល្អប្រសើរជាងរថយន្តនាំចូល ប្រសិនបើមានការជួយសម្របសម្រួល និងជួយជ្រោមជ្រែងពីរាជរដ្ឋាភិបាល។