#សម្បុកត្រចៀកកាំ

គម្រោងនាំចេញសម្បុកត្រចៀកកាំរបស់កម្ពុជា ទៅកាន់ទីផ្សារចិន នៅឆ្នាំ២០២៥ នេះ នៅមិនទាន់ទទួលបានច្បាប់នាំចេញពីគយចិន នៅឡើយទេ ខណៈការកែសម្រួលលើចំណុចមួយចំនួន នៃកិច្ចព្រមព្រៀងនាំចេញរវាងក្រសួងកសិកម្ម រុក្ខាប្រមាញ់ និងនេសាទ ជាមួយគយចិន ត្រូវបានបំពេញរួចរាល់។ គម្រោងនាំចេញសំបុកត្រចៀកកាំដោយផ្ទាល់ទៅកាន់ទីផ្សារប្រទេសចិន ជាអ្វីដែលអ្នកចិញ្ចឹមសត្វត្រចៀកកាំចង់បាន និងទន្ទឹងរង់ចាំជាយូរឆ្នាំមកហើយ ដ្បិតពួកគេរំពឹងថា វានឹងជួយធ្វើឱ្យតម្លៃនិងទីផ្សារសំបុកត្រចៀកកាំរបស់កម្ពុជា កាន់តែមានភាពល្អប្រសើរ។