ចិនព្រមានអាមេរិកខ្លាំងៗឲ្យបើកនាវាចម្បាំងរបស់ខ្លួនចេញពីដែនសមុទ្រចិនខាងត្បូងជាបន្ទាន់
ដោយ
បញ្ហាជម្លោះដែនសមុទ្រចិនខាងត្បូងបានឈានដល់ភាពតានតឹងចុងក្រោយបង្អស់មួយ ដោយនៅថ្ងៃព្រហស្បតិ៍សប្ដាហ៍នេះ យោធាចិនបានតាមដាន និងធ្វើការព្រមានខ្លាំងៗទៅលើនាវាចម្បាំងអាមេរិក ដែលបានបើកចូលមកក្នុងដែនទឹកនៃប្រជុំកោះប៉ារ៉ាសែល នៅក្នុងសមុទ្រចិនខាងត្បូង ដោយចិន បានប្រាប់ឲ្យអាមេរិកត្រូវបើកនាវានោះចេញពីតំបន់ប្រជុំកោះប៉ារ៉ាសែលជាបន្ទាន់ បើពុំដូចនោះទេ វាអាចនឹងមានផលវិបាកធ្ងន់ធ្ងរដែលអាចកើតឡើងដោយមិនអាចដឹងមុននោះឡើយ។ នេះបើតាមសេចក្ដីរាយការណ៍ដោយសារព័ត៌មានរ៉យទ័រ។