#សមុទ្រចិន ខាងត្បូង

បញ្ហាជម្លោះសមុទ្រចិន ខាងត្បូង រវាងចិន និងហ្វីលីពីន កំពុងឡើងកម្តៅឡើងវិញ នៅក្រោមរដ្ឋបាលរបស់លោកប្រធានាធិបតី ហ្វឺឌីណង់ ម៉ាកូស។ នៅប៉ុន្មានខែចុងក្រោយនេះប្រទេសហ្វីលីពីន និងចិនបានចោទប្រកាន់គ្នាទៅវិញទៅមក ជាពិសេសក្រោយពេលដែលផ្ទុះបាតុភាពហិង្សាមួយកាលពីខែមិថុនា ឆ្នាំ២០២៤ កន្លងទៅ ។ កងឆ្មាំការពារសមុទ្ររបស់ប្រទេសទាំងពីរកំពុងបង្កើនសកម្មភាពកាន់តែសកម្មនៅក្នុងតំបន់ជម្លោះ ដែលធ្វើឱ្យមានការចោទជាសំណួរថា តើមកទល់ពេលនេះទំនាក់ទំនងរវាងប្រទេសទាំងពីរឈានដល់ដំណាក់កាលណាហើយ?