#ស្នាក់នៅបណ្តោះអាសន្ន

នាយករដ្ឋមន្ត្រីថៃ លោក ប្រាយុទ្ធ ចាន់អូចា បានប្រាប់ប្រព័ន្ធផ្សព្វផ្សាយក្នុងស្រុកកាលពីថ្ងៃពុធ ទី១០ ខែសីហាថា ប្រទេសថៃអនុញ្ញាតឲ្យអតីតប្រធានាធិបតីស្រីលង្កាលោក រ៉ាចាប៉ាក់សា ដែលកំពុងភៀសខ្លួនពីប្រទេសកំណើត ដោយសារតែពលរដ្ឋបាតុកម្មទម្លាក់ពីអំណាចនោះ អាចស្នាក់នៅបណ្តោះអាសន្នក្នុងប្រទេសថៃ ដោយហេតុផលមនុស្សធម៌។ លោករ៉ាចាប៉ាក់សា ត្រូវបានគេរំពឹងថា មកដល់ប្រទេសថៃនៅថ្ងៃទី ១១ ខែសីហា ក្រោយពីលោកបានធ្វើដំណើរចាកចេញពីប្រទេសិង្ហបុរី។ នេះបើតាមការចុះផ្សាយដោយសារព័ត៌មាន Bangkok Post។