#ស្នើឲ្យធនាគារបន្ធូរបន្ថយលក្ខខណ្ឌកម្ចី

សមាគមសហគ្រិនស្ត្រីកម្ពុជាស្នើឲ្យធនាគារ និងមីក្រូហិរញ្ញវត្ថុជួយបន្ធូរបន្ថយលក្ខខណ្ឌកម្ចី និងបញ្ចុះអត្រាការប្រាក់ជូនសហគ្រិនជាស្ត្រី ដើម្បីផ្តល់លទ្ធភាពឲ្យពួកគេក្នុងការពង្រីកអាជីវកម្មក្នុងអំឡុងពេលវិបត្តិកូវីដ១៩ បាននឹងកំពុងបន្តអូសបន្លាយអស់រយៈពេលជិត២ឆ្នាំ និងកំពុងឆ្លងក្នុងសហគមន៍យ៉ាងខ្លាំង។ ការស្នើសុំនេះធ្វើឡើងក្រោយថ្នាក់ដឹកនាំសមាគមសង្កេតឃើញថា លទ្ធភាពទទួលបានប្រាក់កម្ចីរបស់សហគ្រិនជាស្ត្រីនៅមានកម្រិតតិចតួចដោយសារការគ្រប់គ្រង និងការយល់ដឹងផ្នែកហិរញ្ញវត្ថុរបស់ពួកគេនៅមានកម្រិត។