#សញ្ញាប្រេះឆាផ្ទៃក្នុងបក្ស

នាយករដ្ឋមន្ត្រីថៃ លោកប្រាយុទ្ធ ចាន់អូចា (Prayut Chan-o-cha) និងគណៈរដ្ឋមន្ត្រី ១០ នាក់ផ្សេងទៀត បានក្លាយជាផ្ទាំងស៊ីបរបស់អ្នកនយោបាយនៃក្រុមប្រឆាំងក្នុងអំឡុងពេលជជែកដេញគ្នាយ៉ាងតឹងសរសៃរករអស់រយៈពេលបីថ្ងៃកន្លងមកនេះក្នុងសភា ហើយកាលពីថ្ងៃសៅរ៍ចុងសប្ដាហ៍មុននេះ លោកប្រាយុទ្ធ និងក្រុមរបស់លោក បានយកឈ្នះលើការបោះឆ្នោតដកសេចក្តីទុកចិត្តពីសភា ហើយបក្សរបស់លោកក៏នៅតែបន្តកាន់អំណាចតទៅមុខទៀត យ៉ាងរឹងមាំដដែល។ នេះបើតាមការចុះផ្សាយដោយសារព័ត៌មាន Bangkok Post។