#ស្រីលង្កាបានការធានាពីម្ចាស់បំណុល

ខុទ្ទកាល័យប្រធានាធិបតីស្រីលង្កា នៅថ្ងៃអង្គារទី៧ខែកុម្ភៈ បានប្រកាសថា ក្រុមប្រទេសអ្នកផ្តល់ប្រាក់កម្ចីដែលមានឈ្មោះថា ក្លឹបបារីស បានផ្តល់ការធានាផ្នែកហិរញ្ញវត្ថុសម្រាប់ប្រទេសរបស់ខ្លួនហើយ ដែលនេះ គឺជាការឈានទៅបើកផ្លូវ ឱ្យមូលនិធិរូបិយវត្ថុអន្តរជាតិ IMF យល់ព្រមផ្តល់កញ្ចប់ទឹកប្រាក់ ឱ្យរដ្ឋាភិបាលស្រីលង្កាយកដោះស្រាយវិបត្តិសេដ្ឋកិច្ច។ នេះបើតាមការចុះផ្សាយដោយទីភ្នាក់ងាររ៉យទ័រ។