#ថៃគ្រោងយកថ្លៃ ៩ដុល្លារពីភ្ញៀវបរទេស ចាប់ពីខែមិថុនាតទៅ

ប្រទេសថៃ គ្រោងនឹងចាប់ផ្តើមគិតថ្លៃសេវាប្រមាណ ៣០០បាត ឬប្រហែលស្មើនឹង ៩ដុល្លារអាមេរិក ពីភ្ញៀវទេសចរបរទេស ចាប់ពីខែមិថុនា ឆ្នាំ២០២៣ខាងមុខតទៅ។ បើតាមការបញ្ជាក់របស់រដ្ឋាភិបាលថៃ លុយដែលប្រមូលបាននេះ នឹងយកទៅជួយភ្ញៀវទេសចរ ក្នុងករណីដែលនរណាម្នាក់ជួបឧបទ្ទវហេតុអំឡុងពេលដើរលេងក្នុងប្រទេសខ្លួន និងយកទៅអភិវឌ្ឍតំបន់គោលដៅទេសចរណ៍ផងដែរ។ ទោះយ៉ាងណា ការគិតថ្លៃសេវាបន្ថែមនេះ ទំនងជាត្រូវបានគេបញ្ចូលបន្ថែមជាថ្លៃមួយសំបុត្រយន្តហោះតែម្តង។ នេះបើតាមការចុះផ្សាយរបស់ភ្នាក់ងារព័ត៌មាន Reuter។