ចិនជំរុញឱ្យ G7 បញ្ឈប់ការញុះញង់ឱ្យមានការប្រឈមមុខដាក់គ្នា ខណៈថ្នាក់ដឹកនាំចិន និងជប៉ុនអាចជួបគ្នានៅសប្តាហ៍ក្រោយ
ដោយ
អ្នកការទូតចិន កំពុងរិះគន់រដ្ឋមន្រ្តីការរបទេសក្រុមប្រទេស G7 និងជំរុញឱ្យពួកគេបញ្ឈប់ការញុះញង់ឱ្យមានការប្រឈមមុខដាក់គ្នាជុំវិញសង្គ្រាមរវាងក្រុមអ៊ីស្រាអែល និងហាម៉ាស នៅតំបន់ហ្គាហ្សា ក៏ដូចជាជម្លោះនៅអ៊ុយក្រែន។ ទន្ទឹមនឹងការរិះគន់នេះ មានសេចក្តីរាយការណ៍មកថា មេដឹកនាំប្រទេសចិន អាចនឹងជួបជាមួយមេដឹកនាំជប៉ុន ដែលជាសមាជិកមួយរបស់ G7 នៅសប្តាហ៍ក្រោយ ខណៈទីប្រឹក្សាសន្តិសុខជាតិជប៉ុន កំពុងតែស្ថិតនៅប្រទេសចិនរួចទៅហើយ។