#ថវិកា សម្រាប់រៀបចំធ្វើជាម្ចាស់ផ្ទះ

មន្ត្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ បានអះអាងថា កម្ពុជា ត្រៀមខ្លួនជាស្រេច ក្នុងការរៀបចំធ្វើជាម្ចាស់ផ្ទះនៃកិច្ចប្រជុំកំពូលអាស៊ានឆ្នាំ២០២២ ហើយកម្ពុជា ក៏មិនខ្វះថវិកាដែរ ក្នុងការរៀបចំកិច្ចប្រជុំនេះ។ ដ្បិតមិនបង្ហាញពីទំហំថវិកាដែលត្រៀមទុកសម្រាប់រៀបចំកិច្ចប្រជុំអាស៊ានដែលកម្ពុជាធ្វើជាម្ចាស់ផ្ទះក្ដី ប៉ុន្ដែមន្ត្រីជាន់ខ្ពស់នៃក្រសួងសេដ្ឋកិច្ចរូបនេះ មានក្ដីរំពឹងខ្ពស់ថា កិច្ចប្រជុំកំពូលអាស៊ានឆ្នាំ២០២២ នឹងប្រព្រឹត្តទៅដោយរលូន និងទទួលបានភាពជោគជ័យ។