#តម្លៃជី និងថ្នាំកសិកម្មនៅកម្ពុជា

ក្រុមអ្នកជំនាញកសិកម្មបង្ហាញក្ដីបារម្ភកាន់តែខ្លាំង ខណៈតម្លៃជី-ថ្នាំកសិកម្មកើនឡើងកាន់តែខ្ពស់ ក្រោយផ្ទុះសង្គ្រាមនៅអ៊ុយក្រែន។ តាំងពីមានវិបត្តិកូវីដ១៩មក តម្លៃជីកសិកម្មបានកើនឡើងខ្ពស់ជាបន្ដបន្ទាប់ ដែលបង្កផលប៉ះពាល់ដល់ថ្លៃដើមផលិតនៃវិស័យកសិកម្មនៅកម្ពុជា។ ប៉ុន្ដែ ក្រុមអ្នកជំនាញកសិកម្មបានព្រមានថា បច្ចុប្បន្នការផលិតកសិកម្មកំពុងប្រឈមនឹងបញ្ហាកាន់តែខ្លាំងថែមទៀត ក្រោយរងឥទ្ធិពលអាក្រក់ពីវិបត្តិសង្គ្រាមឈ្លានពានរបស់រុស្ស៊ីទៅលើអ៊ុយក្រែន ដោយសារតែវាបានបង្ក តម្លៃជី-ថ្នាំកសិកម្ម ហក់ឡើងខ្ពស់ថែមមួយកម្រិតទៀត។