#តម្លៃអាគុយរថយន្តអគ្គិសនី ឡើងថ្លៃជាលើកដំបូងក្នុងរយៈពេល ១ទសវត្សរ៍

តម្លៃអាគុយរថយន្តអគ្គិសនី បានឡើងថ្លៃជាលើកដំបូងក្នុងរយៈពេល ១ទសវត្សរ៍មកនេះ ហើយនោះវាគឺជាបញ្ហាដ៏ធំមួយសម្រាប់ក្រុមហ៊ុនផលិត ដែលត្រូវគិតគូរវែងឆ្ងាយទៀត ក្នុងការបង្វែរពីរថយន្តសាំង ទៅផលិតរថយន្តអគ្គិសនី។ ទោះយ៉ាងណាក៏ដោយ អ្នកជំនាញមានជំនឿចិត្តថា បញ្ហាតម្លៃអាគុយនេះ គ្រាន់តែកើតឡើងមួយរយៈពេលខ្លីប៉ុណ្ណោះ ដោយវានឹងធូរស្រាលមកវិញនាពីរបីឆ្នាំក្រោយ ដោយសារតែការវិនិយោគលើគម្រោងវត្ថុធាតុដើមសម្រាប់ផលិតអាគុយ។