#តំណាងសភាជាន់ខ្ពស់

ទោះបីជា មានការកាន់ទុក្ខដ៏ក្រៀមក្រំចំពោះការបាត់បង់កំពូលអ្នកនយោបាយដ៏មានឥទ្ធិពលក្នុងជួរគណបក្សកាន់អំណាចក៏ដោយ ប៉ុន្ដែនៅថ្ងៃអាទិត្យចុងសប្ដាហ៍មុននេះ ប្រជាជនជប៉ុនបាននាំគ្នាទៅបោះឆ្នោត ដើម្បីជ្រើសរើសតំណាងសភាជាន់ខ្ពស់របស់ខ្លួនតាមកាលកំណត់។ ពោលគឺ ថ្ងៃបោះឆ្នោតនេះ ធ្វើឡើងនៅក្រោយពេលពីរថ្ងៃ បន្ទាប់ពីអតីតនាយករដ្ឋមន្ត្រីដ៏មានឥទ្ធិពលរបស់ជប៉ុន លោក Shinzo Abe ត្រូវបានខ្មាន់កាំភ្លើងបាញ់សម្លាប់ អំឡុងពេលរូបលោកកំពុងធ្វើសុន្ទរកថាឲ្យគណបក្សកាន់អំណាចរបស់លោក។ នេះបើតាមការចុះផ្សាយដោយទីភ្នាក់ងារសារព័ត៌មាន Nikkei Asia។