#ដំណើរទស្សនកិច្ចនៅប្រទេសវៀតណាម

សមាជិកព្រឹទ្ធអាមេរិកលោក ចេហ្វ មើកលី ( Jeff Merkley ) បានប្រាប់សន្និសីទសារព័ត៌មាននៅទីក្រុងហាណូយកាលពីថ្ងៃសៅរ៍ ទី ៨ មេសា ថា រដ្ឋមន្ត្រីការបរទេសសហរដ្ឋអាមេរិក លោក អ៊ែនថូនី ប្លីងខិន ( Antony Blinken ) នឹងធ្វើទស្សនកិច្ចនៅវៀតណាមនាចុងសប្តាហ៍នេះ ដើម្បីជំរុញទំនាក់ទំនងការទូតជាមួយទីក្រុងហាណូយឱ្យកាន់តែខ្ពស់នៅឆ្នាំនេះ។ មុននេះមិនយូរប៉ុន្មាន មន្ត្រីជាន់ខ្ពស់រុស្ស៊ីមួយរូបឯណោះវិញ ក្រោយបញ្ចប់ដំណើរទស្សនកិច្ចរបស់ខ្លួននៅប្រទេសវៀតណាម ក៏បានចុះកិច្ចព្រមព្រៀងសំខាន់ៗពីរជាមួយទីក្រុងហាណូយ។