#​តំបន់​អាស៊ាន

សហព័ន្ធឧស្សាហម្មក្នុងប្រទេសថៃ បានសម្តែងការព្រួយបារម្ភដល់សុខភាពសេដ្ឋកិច្ចប្រទេសថៃ ក្រោយមើលឃើញពីការហក់ឡើងថ្លៃខ្ពស់នៃតម្លៃប្រេងឆៅក្នុងទីផ្សារពិភពលោក ពិសេសទីផ្សារប្រេងអាមេរិក និង អង់គ្លេស ស្របពេលដែលប្រាក់បាតរបស់ថៃបាននិងកំពុងបន្តធ្លាក់ថ្លៃផងដែរ។ សហព័ន្ធឧស្សាហកម្មដដែល បានអំពាវនាវឲ្យរដ្ឋាភិបាលថៃ យកចិត្តទុកដាក់ដល់បញ្ហាសំខាន់ៗទាំងពីរខាងលើនេះ ដើម្បីបញ្ចៀសផលរំខានកាន់តែខ្លាំងដល់សេដ្ឋកិច្ចថៃ ដែលកំពុងដុនដាបស្រាប់។ នេះបើតាមការចុះផ្សាយដោយសារព័ត៌មានក្នុងស្រុករបស់ថៃ បាងកកបុស្តិ៍។