អាមេរិកសន្យាឲ្យថៃ ៥លានដុល្លារ ដើម្បីបន្ដប្រយុទ្ធប្រឆាំងកូវីដ-១៩ ដែលកំពុងរាតត្បាតខ្លាំង
ដោយ
រដ្ឋាភិបាលសហរដ្ឋអាមេរិកសន្យានឹងផ្តល់ជំនួយថវិកាចំនួន ៥ លានដុល្លារអាមេរិក ដល់ប្រទេសថៃ និងផ្ដល់ ៥០ លានដុល្លារទៀតដល់ដៃគូអង្គការមិនមែនរដ្ឋាភិបាលជាតិ និងអន្តរជាតិ ដើម្បីគាំទ្រដល់កិច្ចខិតខំប្រឹងប្រែងឆ្លើយតបនឹងជំងឺរាតត្បាតកូវីដ-១៩ដែលបាននិងកំពុងរាតត្បាតកាន់តែខ្លាំងឡើងនៅក្នុងប្រទេសថៃ។ ថវិកាទាំងនេះ ត្រូវបានគេរំពឹងថា នឹងជួយបន្ធូរបន្ថយភាពតានតឹងលើប្រព័ន្ធសុខភាពរបស់ប្រទេសថៃឲ្យធូរស្រាលឡើងវិញនៅពេលខាងមុខនេះ។ នេះបើយោងតាមការចេញផ្សាយរបស់សារព័ត៌មានបាងកកប៉ុស្ដិ៍។