#ឧស្សាហកម្ម​អន​ឡាញ

ក្នុងអំឡុងពេលវិបត្តិកូវីដ ១៩ មនុស្សជាច្រើននៅតំបន់អាស៊ីអាគ្នេយ៍បានជាប់គាំងនៅតែក្នុងផ្ទះ មិនអាចធ្វើដំណើរទៅណាបាន ពួកគេក៏បានងាកប្រើប្រាស់សេវាកម្មទិញទំនិញលើអ៊ីនធឺណិត ដូចនេះហើយបានធ្វើទីផ្សារអ៊ីនធឺណិតក្នុងតំបន់នេះមានការរីកលូតលាស់យ៉ាងឆាប់រហ័ស។ ជាក់ស្ដែងបើតាមរបាយការណ៍ឧស្សាហកម្មមួយរបស់ក្រុមហ៊ុន Alphabet ដែលជាក្រុមហ៊ុនរបស់ Google បានឱ្យដឹងថា វិស័យសេដ្ឋកិច្ចពាណិជ្ជកម្មតាមអ៊ីនធឺណិតនៅអាស៊ីអាគ្នេយ៍ត្រូវបានគេព្យាករណ៍ថា នឹងកើនឡើងដល់ ១ ទ្រីលានដុល្លារនៅឆ្នាំ ២០៣០។ នេះបើយោងតាមការចុះផ្សាយដោយសារព័ត៌មានរ៉យទ័រ។