#វ៉ាក់សាំងប្រឆាំងកូវីដ-១៩

ប្រទេសឥណ្ឌាបានត្រៀមខ្លួនរួចរាល់ហើយ ដើម្បីផលិតវ៉ាក់សាំងកូវីដ១៩ឲ្យបាន៥ពាន់លានដូស នៅឆ្នាំ២០២២ ដើម្បីជួយពិភពលោកក្នុងការប្រយុទ្ធប្រឆាំងនឹងមេរោគរាតត្បាតសកលកូវីដ១៩។ ជាមួយគ្នានេះ ឥណ្ឌាក៏រំពឹងថា អង្គការសុខភាពពិភពលោកនឹងអនុម័តវ៉ាក់សាំងរបស់ឥណ្ឌាឲ្យបានលឿនបំផុត ដើម្បីអាចបន្ដផ្គត់ផ្គង់ទៅកាន់ប្រទេសនានាដែលកំពុងត្រូវការវ៉ាក់សាំង។ នេះបើតាមការអះអាងរបស់លោក ណារិនដ្រា ម៉ូឌី នាយករដ្ឋមន្ត្រីឥណ្ឌា ដែលបានថ្លែងនៅក្នុងកិច្ចប្រជុំ G20 នាចុងសប្ដាហ៍មុននេះ។