#វាំងនន​ដែក​នៃ​សេដ្ឋកិច្ច

អគ្គនាយិកាអង្គការមូលនិធិរូបិយវត្ថុអន្តរជាតិ (IMF)លោកស្រី ហ្គីស្តាលីណា ហ្គូគីវ៉ា (Kristalina Georgieva) បាននិយាយកាលពីថ្ងៃទី ២៥ឧសភា ក្នុងកិច្ចប្រជុំប្រចាំឆ្នាំរបស់ធុរកិច្ចពិភពលោកថា លោកស្រីមានការព្រួយបារម្ភតិចតួចប៉ុណ្ណោះលើហានិភ័យនៃសង្គ្រាមនៅអ៊ុយក្រែន និងដំណើរអូសជើងនៃសេដ្ឋកិច្ចចិន ដែលអាចនឹងទាញឲ្យសេដ្ឋកិច្ចពិភពលោកធ្លាក់ចូលក្នុងវិបត្តិសេដ្ឋកិច្ចសកល ប៉ុន្តែអ្វីដែលលោកស្រីបារម្ភខ្លាំងបំផុត គឺនិន្នាការនៃការឆ្ពោះទៅរកការបែកខ្ញែកគ្នានៃសេដ្ឋកិច្ច និងនយោបាយពិភពលោក។ នេះបើតាមការចុះផ្សាយសារព័ត៌មាន Reuters។