#វិធានការបិទទីក្រុង

ចាប់តាំងពីរាជរដ្ឋាភិបាលកម្ពុជា បានសម្រេចចេញវិធានការបិទខ្ទប់ (Lockdown)រាជធានីភ្នំពេញ និងក្រុងតាខ្មៅ នៅអំឡុងពេលចូលឆ្នាំខ្មែរមក សមាគមភ័ស្តុភារកម្ពុជាបានអះអាង ការដឹកជញ្ជូនទាំងអស់គឺមានការរាំងស្ទះយ៉ាងខ្លាំង រហូតបានធ្វើឲ្យក្រុមហ៊ុនដឹកជញ្ជូនប្រមាណជាង ៨០%ទៅហើយ ក្នុងចំណោមសមាជិកសមាគមប្រមាណជាង១២០ក្រុមហ៊ុនធំៗ បានផ្អាកសកម្មភាពរបស់ខ្លួន ខណៈដែលខាងសមាគមក៏កំពុងដុតដៃដុតជើង សម្រួបសម្រួលជាមួយអាជ្ញាធរពាក់ព័ន្ធ ដើម្បីដោះស្រាយបញ្ហានេះដែរ។