#វៀតណាម-ចិន-អាមេរិក

មេដឹកនាំកំពូលៗរបស់វៀតណាមកាលពីសប្តាហ៍មុន បាននិយាយពិភាក្សាគ្នាតាមទូរស័ព្ទជាមួយសមភាគីចិន និងអាមេរិក។ កិច្ចសន្ទនាបន្តបន្ទាប់គ្នាជាមួយនាយករដ្ឋមន្ត្រីចិន លោក លី ឈាង (Li Qiang) និងជាមួយប្រធានាធិបតីសហរដ្ឋអាមេរិក ចូ បៃឌិន (Joe Biden) គូសបញ្ជាក់ពីកិច្ចខិតខំប្រឹងប្រែងរបស់ទីក្រុងហាណូយក្នុងការស្វែងរកជំហរកណ្តាល ចន្លោះគូប្រជែងដែលជាមហាអំណាចទាំងពីរ ដើម្បីទាញយកផលប្រយោជន៍ពីរទាំងសងខាងក្នុងពេលតែមួយ។ នេះបើតាមការផ្សាយរបស់សារព័ត៌មានជប៉ុន Nikkei Asia។