#វិបត្តិអ៊ុយក្រែន-មួយរុស្ស៊ី

រដ្ឋបាលលោក ចូ បៃដិន កាលពីថ្ងៃចន្ទ ទី៤ បានបញ្ជូនសារទៅកាន់សភាតំណាងដោយព្រមានថា រដ្ឋាភិបាលជិតអស់ថវិកាក្នុងការជួយអ៊ុយក្រែនប្រយុទ្ធទប់ទល់ជាមួយរុស្ស៊ីហើយ និងឱ្យសភាត្រូវអនុម័តផ្តល់ជំនួយយោធា និងសេដ្ឋកិច្ចរាប់សិបពាន់លានដុល្លារបន្ថែមជាបន្ទាន់សម្រាប់ទីក្រុងកៀវ។ លិខិតព្រមាននេះ កើតឡើងស្របពេលសង្គ្រាមរុស្សី និងអ៊ុយក្រែន កំពុងបន្ត ខណៈវ៉ាស៊ីនតោន ក៏ត្រូវគិតគូរពីជំនួយសម្រាប់សម្ព័ន្ធមិតត្តអ៊ីស្រាអែលប្រយុទ្ធនឹងហាម៉ាសដែរ។ នេះបើតាមការចុះផ្សាយដោយសារព័ត៌មានអន្តរជាតិធំៗ។