#វិស័យពាណិជ្ជកម្ម

ការដំឡើងពន្ធគយរបស់លោក ដូណាល់ ត្រាំ លើបណ្ដាប្រទេសជាសម្ពន្ធមិត្តរបស់សហរដ្ឋអាម៉េរិក កំពុងបង្កបញ្ហាឈឺក្បាលដល់បណ្ដាក្រុមហ៊ុនផ្គត់ផ្គង់របស់ក្រុមហ៊ុនបច្ចេវិទ្យាយក្ស Apple និង Nvidia របស់សហរដ្ឋអាម៉េរិក និងក្រុមហ៊ុនផ្សេងៗទៀត។ ជាមួយគ្នានេះលោក ដូណាល់ ត្រាំ បានគំរាមដាក់គំនាបពន្ធលើក្រុមហ៊ុន ដែលរើទីតាំងផលិតកម្មចេញពីប្រទេសចិន មកកាន់តំបន់អាស៊ីអាគ្នេយ៍ និងប្រទេសម៉ិកស៊ិក ដើម្បីគេចពន្ធគយរបស់សហរដ្ឋអាម៉េរិក ក្នុងភ្លើងសង្គ្រាមពាណិជ្ជកម្មពិភពលោកនៅឆ្នាំ២០២៥ នេះ។ នេះបើយោងតាមការចុះផ្សាយរបស់សារព័ត៌មាន នីកេ អេស៊ា។