#វិស័យចិញ្ចឹមសត្វ

តម្លៃជ្រូករស់ និងសាច់ជ្រូកនៅលើទីផ្សារបច្ចុប្បន្ន កំពុងរក្សាបានស្ថិរភាពល្អប្រសើរ បន្ទាប់ពីឆ្លងកាត់ដំណាក់កាលប្រឈម ដែលកសិករមិនអាចលក់ចេញបានក្នុងតម្លៃសមរម្យកាលពីពេលកន្លងទៅ។ បើតាមការបញ្ជាក់របស់ប្រធានសមាគមអ្នកចិញ្ចឹមសត្វកម្ពុជា មូលហេតុចម្បង ដែលធ្វើឱ្យទីផ្សារសាច់ជ្រូកមានភាពវិជ្ជមាន គឺដោយសារការកាត់បន្ថយការចិញ្ចឹមពីសំណាក់កសិករមួយចំនួន ខណៈតំណាងក្រុមហ៊ុនចិញ្ចឹមសត្វខ្នាតធំយល់ឃើញថា ការឡើងចុះនៃតម្លៃជ្រូក វាក៏អាស្រ័យទៅលើតម្រូវការតាមរដូវកាលនៃបុណ្យទាន និងអាពាហ៍ពិពាហ៍ផងដែរ។