#វិស័យចិញ្ចឹមសត្វ

តម្លៃជ្រូករស់នៅលើទីផ្សារកម្ពុជា មានការប្រែប្រួលឡើងចុះគួរឱ្យកត់សម្គាល់នៅប៉ុន្មានឆ្នាំចុងក្រោយនេះ ដែលជំរុញឱ្យកសិករចិញ្ចឹមជ្រូកខ្នាតតូចភាគច្រើនបានបោះបង់ការចិញ្ចឹមជ្រូកដោយសារមិនអាចទប់ទល់នឹងការខាត។ ជុំវិញការប្រែប្រួលតម្លៃជ្រូករស់នៅលើទីផ្សារនេះ មានមតិពលរដ្ឋមួយចំនួនបានលើកឡើងថា បញ្ហានេះមានការរួមចំណែកពីការកំណត់ថ្លៃរបស់ក្រុមហ៊ុនចិញ្ចឹមជ្រូកធំៗ តែអ្នកជំនាញអះអាងថា ការប្រែប្រួលតម្លៃនេះវាអាស្រ័យលើតម្រូវការ និងការផ្គត់ផ្គង់។