#វិស័យការពារជាតិអាមេរិក

សេតវិមានអាមេរិក បានបញ្ជាក់នៅដើមសប្ដាហ៍នេះថា ប្រធានាធិបតីអាមេរិក លោកចូ បៃឌិន ទើបតែបានចុះហត្ថលេខាលើច្បាប់ថ្មីមួយទាក់ទងនឹងវិស័យការពារជាតិ ដែលមានកញ្ចប់លុយចំណាយយ៉ាងសម្បើមមានដល់ទៅ ៧៧០ពាន់លានដុល្លារសម្រាប់ឆ្នាំសារពើពន្ធ ២០២២។ ច្បាប់ថ្មីនេះ ត្រូវបានព្រឹទ្ធសភា និងរដ្ឋសភាអាមេរិក បានបោះឆ្នោតសម្រេចកាលពីដើមខែធ្នូនេះ ដោយមានការគាំទ្រយ៉ាងពេញទំហឹងពីសំណាក់គណបក្សទាំងពីរ គឺគណបក្សសាធារណរដ្ឋ និងគណបក្សប្រជាធិបតេយ្យ។ នេះបើតាមការរាយការណ៍ដោយសារព័ត៌មានអន្តរជាតិធំៗជាច្រើន។