#វិស័យសេដ្ឋកិច្ច

ស្ថាប័នស្រាវជ្រាវម៉ាក្រូសេដ្ឋកិច្ចអាស៊ានបូក៣ (AMRO) បានវាយតម្លៃខ្ពស់ចំពោះភាពធន់ នៃសេដ្ឋកិច្ចកម្ពុជា ក្នុងឆ្នាំ២០២៥ ប៉ុន្តែបានដាស់តឿនថា សម្រាប់ឆ្នាំ២០២៦ និងរយៈពេលមធ្យមខាងមុខ កម្ពុជានឹងបន្តប្រឈមមុខនឹងហានិភ័យចម្រុះទាំងពីកត្តាផ្ទៃក្នុង និងអស្ថិរភាពភូមិសាស្ត្រនយោបាយសកល។ ដើម្បីទប់ទល់នឹងបញ្ហាប្រឈមទាំងនេះ AMRO បានផ្ដល់គោលនយោបាយសំខាន់ៗចំនួន៣ចំណុច ក្នុងគោលដៅធានាបាននូវចីរភាពនៃកំណើន និងការត្រៀមលក្ខណៈសម្រាប់ការចាកចេញពីក្រុមប្រទេសអភិវឌ្ឍន៍តិចតួចនៅឆ្នាំ២០២៩ ខាងមុខ។