#វិស័យស្រូវអង្ករ

កន្ទក់ និងចុងអង្ករ ដែលជាវត្ថុធាតុដើមដ៏សំខាន់មួយសម្រាប់បម្រើឱ្យការផលិតចំណីសត្វ និងផលិតផលផ្សេងៗ ត្រូវបានរោងម៉ាស៊ីនកិនស្រូវផ្គត់ផ្គង់ឱ្យក្រុមហ៊ុនផលិតក្នុងស្រុក និងនាំចេញទៅកាន់ប្រទេសជិតខាង។ មកដល់ពេលនេះ កន្ទក់ និងចុងអង្ករ ត្រូវបានរោងម៉ាស៊ីនកិនស្រូវលក់ចេញក្នុងតម្លៃចន្លោះពី៧០០រៀលទៅ១ពាន់រៀលក្នុង១គីឡូក្រាមអាស្រ័យទៅលើគុណភាព។ បើតាមការអះអាងរបស់ម្ចាស់រោងម៉ាស៊ីនកិនស្រូវ តម្លៃនេះប្រហាក់ប្រហែលនឹងឆ្នាំមុន តែមានការធ្លាក់ចុះបន្តិចបើធៀបនឹង៣ឆ្នាំមុន ដែលអាចលក់បានចន្លោះពី១,២០០ទៅ១,៣០០រៀលក្នុង១គីឡូក្រាម។