#Wang Yi

ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្ត្រីក្រសួងការបរទេសចិន បានបន្តដំណើរទៅទស្សនកិច្ចក្នុងប្រទេសសិង្ហបុរី សម្រាប់រយៈពេលពីរថ្ងៃ រាប់ចាប់ពីថ្ងៃទី១៣ ដល់១៤ ខែកញ្ញានេះ។ ដំណើរទស្សនកិច្ចទៅសិង្ហបុរី លើកនេះជាប្រទេសទី៣ហើយ សម្រាប់បេសសកម្មក្នុងតំបន់អាស៊ីរបស់លោក បន្ទាប់ពីបានផ្តើមដំណើរទស្សនកិច្ចនៅវៀតណាមកាលពីសប្តាហ៍មុន បន្ទាប់មកកម្ពុជា និងសិង្ហបុរី។ បន្ទាប់ពីនោះ ប្រមុខការទូតចិនរូបនេះ គ្រោងនឹងបិទបញ្ចប់បេសសកម្មផ្លូវរដ្ឋរបស់លោក នៅកូរ៉េខាងត្បូងត្រឹមសប្តាហ៍នេះ។ នេះបើតាមការចុះផ្សាយដោយសារព័ត៌សឹង្ហបុរី CNA។