#យន្តហោះចម្បាំងរុស្ស៊ីនៅសមុទ្រខ្មៅ

មេទ័ពកំពូលរបស់សហរដ្ឋអាមេរិកបាននិយាយថា ការធ្លាក់យន្តហោះដ្រូនស៊ីវិលរបស់ខ្លួនក្រោយចាប់សញ្ញាបានដោយយន្តហោះចម្បាំងរុស្ស៊ីនៅសមុទ្រខ្មៅនោះ គឺជាអាកប្បកិរិយាបង្កហេតុ ខណៈភាគីរុស្ស៊ីវិញបានព្រមានទីក្រុងវ៉ាស៊ីនតោនថា ការហោះហើរណាមួយក្បែរតំបន់គ្រីមៀគឺអាចបង្កឱ្យមានការរីករាលដាលនៃគ្រោះថ្នាក់។ ដោយមានការសាចទឹកដាក់គ្នាទៅវិញទៅមកបែបនេះ នៅថ្ងៃទី ១៥មីនា មេទ័ពកំពូលរបស់អាមេរិក ក៏បានជួបនិយាយគ្នាតាមទូរសព្ទជាមួយនឹងរដ្ឋមន្ត្រីការពារជាតិរុស្ស៊ី ដើម្បីពិភាក្សារកដំណោះស្រាយរួមផងដែរ។ នេះបើតាមការចុះផ្សាយដោយសារព័ត៌មាន រ៉យទ័រ។