#យុទ្ធសាស្ត្រការទូតវ៉ាក់សាំង

បន្ទាប់ពីមន្ត្រីជាន់ខ្ពស់របស់ឥណ្ឌាចេញមុខប្រកាសពីគម្រោងផ្ដល់វ៉ាក់សាំងដល់ប្រទេសនៅតំបន់អាស៊ីរួចមក ឥឡូវនេះ មន្ត្រីជាន់ខ្ពស់អាមេរិកឯណោះវិញ ក៏បានចេញមុខមកប្រកាសក្តែងៗដែរថា អាមេរិកក៏នឹងចូលរួមក្នុងគម្រោងផលិតចែកចាយវ៉ាក់សាំងកូវីដ-១៩ ចំនួន ១ពាន់លានដូស សម្រាប់ប្រទេសនៅតំបន់អាស៊ីនេះផងដែរ ដោយយ៉ាងយូរការផ្ដល់វ៉ាក់សាំងនេះ នឹងធ្វើឡើងត្រឹមចុងឆ្នាំ២០២២ខាងមុខនេះ បើទោះបីជាបច្ចុប្បន្ននេះ អាមេរិកមិនទាន់បានចាក់វ៉ាក់សាំងដល់ពលរដ្ឋរបស់ខ្លួនបានគ្រប់គ្នាក៏ដោយ។ នេះបើតាមការចុះផ្សាយរបស់សារព័ត៌មាន CNN។