របាយការណ៍ស្ថានភាពសេដ្ឋកិច្ចពិភពលោក និងទស្សនវិស័យឆ្នាំ ២០២២របស់អង្គការសហប្រជាជាតិ បានបង្ហាញថា សម្ទុះកំណើនសេដ្ឋកិច្ចសកលលោកបានចាប់ផ្ដើមមានយឺតជាងអ្វីដែលរំពឹងទុកពីមុននៅចុងឆ្នាំ២០២១ ក្នុងនោះ ប្រទេសដែលមានសេដ្ឋកិច្ចធំៗដូចជាប្រទេសចិន សហភាពអឺរ៉ុប និងសហរដ្ឋអាមេរិក គឺសុទ្ធតែត្រូវបានព្យាករពីការងើបឡើងនៃកំណើនសេដ្ឋកិច្ចយឺតដូចគ្នាដែរ ដោយសារឥទ្ធិពលនៃកត្តាជំរុញសារពើពន្ធ ការធ្លាក់ចុះរូបិយវត្ថុ និងការរំខានដល់ខ្សែចង្វាក់ផ្គត់ផ្គង់ធំៗបានលេចចេញ ក្រោយមានវត្តមានមេរោគអូមីក្រុង។
ទន្ទឹមនឹងការរាតត្បាតនៃជំងឺកូវីដ១៩ ការកើនឡើងសម្ពាធអតិផរណានៅក្នុងប្រទេសមានសេដ្ឋកិច្ចអភិវឌ្ឍន៍ធំៗ និងប្រទេសកំពុងអភិវឌ្ឍន៍មួយចំនួន ក៏បង្ហាញពីហានិភ័យបន្ថែមចំពោះការងើបឡើងវិញនៃសេដ្ឋកិច្ចសកលលោកផងដែរ ខណៈអតិផរណាពិភពលោកបានកើនឡើងដល់ប្រមាណ ៥,២%ក្នុងឆ្នាំ ២០២១។
អត្ថបទគួរអាន
របាយការណ៍ដែលចេញដោយអង្គការសហប្រជាជាតិនេះបានព្រមានថា ផលវិបាករយៈពេលវែងដែលកំពុងកើតមានដោយសារមេរោគឆ្លងកូវីដ១៩ កំពុងធ្វើឲ្យមានភាពមិនស្មើគ្នានោះឡើយ ចំពោះការងើបឡើងនៃសេដ្ឋកិច្ចនៅតាមប្រទេសនានា ពិសេសប្រទេសមានសេដ្ឋកិច្ចជឿនលឿន និងប្រទេសកំពុងអភិវឌ្ឍន៍។ ក្នុងនោះ សម្រាប់ប្រទេសកំពុងអភិវឌ្ឍន៍ភាគច្រើន ការស្ទុះងើបឡើងវិញពេញលេញនៃផលិតផលក្នុងស្រុកសរុបសម្រាប់មនុស្សម្នាក់នឹងនៅតែពិបាកសម្រេចបានណាស់។
សូមរំឮកថា ការព្យាករណ៍មុនការលេចឡើងនូវមេរោគបំប្លែងថ្មីអូមីក្រុងបានបង្ហាញថា ផលិតផលក្នុងស្រុកសរុបសម្រាប់មនុស្សម្នាក់នៅក្នុងប្រទេសសេដ្ឋកិច្ចអភិវឌ្ឍន៍ត្រូវបានគេរំពឹងថា នឹងងើបឡើងវិញនៅឆ្នាំ ២០២៣៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
