នៅក្នុងក្របខ័ណ្ឌអាស៊ាន ប្រទេសដែលដកហូតពន្ធ ឬអាករលើតម្លៃបន្ថែម (VAT) ខ្ពស់ជាងគេ គឺប្រទេសហ្វ៊ីលីពីន ដែលមានអត្រារហូតទៅដល់ ១៨ភាគរយ។
ប្រទេសវៀតណាម កម្ពុជា ឥណ្ឌូនេស៊ី និងឡាវ គិតត្រឹមឆ្នាំ២០១៧នេះ គឺមានអត្រាហូតពន្ធ VAT ១០% ស្មើគ្នា។ ប៉ុន្តែ យោងតាមការចុះផ្សាយរបស់សារព័ត៌មាន VN Express ក្រសួងហិរញ្ញវត្ថុវៀតណាមកំពុងលើកសំណើដំឡើងការហូតពន្ធ VAT ដល់ទៅ ១២% ពីឆ្នាំ២០១៩តទៅ។
តើអ្នកបានអានអត្ថបទនេះ ឬនៅ?
ប្រសិនបើសំណើនេះត្រូវបានអនុម័ត នោះវៀតណាមនឹងក្លាយជាប្រទេសដែលដកហូតពន្ធ VAT ខ្ពស់ជាងគេបំផុតទី២ នៅក្នុងប្លុកអាស៊ាន បន្ទាប់ពីប្រទេសហ្វ៊ីលីពីន។
ប្រទេសថៃ និងសិង្ហបុរី បច្ចុប្បន្ន មានអត្រាពន្ធ VAT ស្មើគ្នា គឺ ៧%។ ចំណែកឯប្រទេសម៉ាឡេស៊ី អត្រាពន្ធ VAT គឺ ៦%។
នៅក្នុងអាស៊ានទាំងមូល (ដោយមិនរាប់បញ្ចូលប្រទេសប្រ៊ុយណេ) សហភាពមីយ៉ាន់ម៉ា គឺជាប្រទេសតែមួយគត់ដែលដកហូតពន្ធ VAT ទាបជាងគេបំផុត គឺត្រឹមតែ ៥% ប៉ុណ្ណោះ៕
