តាមទិន្នន័យដដែលនេះ បានឲ្យដឹងទៀតថា ក្នុងចំណោមភ្ញៀវទេសចរ ដែលបានធ្វើដំណើរកម្សាន្ដនៅវៀតណាម ៩លាននាក់នោះ មានជាង ៧លាននាក់ បានធ្វើដំណើរតាមផ្លូវអាកាស កើនឡើង ២០% ខណៈដែលអ្នកធ្វើដំណើរតាមផ្លូវគោកមាន ជាង ១,៥ លាននាក់ កើនឡើងជាង ៦៣%។ រីឯចំនួនអ្នកដំណើរតាមផ្លូវសមុទ្រវិញ មានចំនួន ១៨ ម៉ឺននាក់ មានការថយចុះ ០.២%។
ជាមួយគ្នានេះដែរ ៧ខែឆ្នាំនេះ ឃើញថា ភ្ញៀវទេសចរនៃតំបន់អាស៊ី ដែលបានទៅកម្សាន្ដនៅវៀតណាមច្រើនជាងគេ មានដូចជា ចិន កូរ៉េខាងត្បូង ជប៉ុន តៃវ៉ាន់ ម៉ាឡេស៊ី ថៃ និងសាំងហ្គាពួរជាដើម។ ដោយឡែក ទេសចរមកពីប៉ែកអឺរ៉ុបវិញ ក៏មានចំនួនច្រើនគួរសមដែរ គឺមានប្រមាណ ជាង ១,២ លាននាក់ ខណៈដែលមកពីអាមេរិក មាន ៤៧ម៉ឺននាក់។
អត្ថបទទាក់ទង!
ក្នុងឆ្នាំ ២០១៨នេះ វៀតណាម រំពឹងថា នឹងទទួលបានទេសចរអន្តរជាតិសរុប ១៦លាននាក់ និងទេសចរក្នុងស្រុក ៨០លាននាក់។
សូមជម្រាបថា ថ្មីៗនេះ រដ្ឋាភិបាលប្រទេសវៀតណាម ក៏បាននិងកំពុងសិក្សាពីលទ្ធភាពមួយចំនួន ដើម្បីពង្រីកអាកាសយានដ្ឋានអន្តរជាតិរបស់ខ្លួនបន្ថែមទៀតផងដែរ ដើម្បីត្រៀមស្វាគមន៍កំណើនភ្ញៀវទេសចរ។ បើតាមគម្រោង ការពង្រីកអាកាសយានដ្ឋាន Long Thanh របស់វៀតណាមនេះ នឹងបែងចែកជា ៣ ដំណាក់កាល ខណៈដែលដំណាក់កាលទីមួយ អាចនឹងបញ្ចប់នៅឆ្នាំ២០២៥ ដែលមានសមត្ថភាពទទួលអ្នកដំណើរបាន ២៥លាននាក់ ក្នុងមួយឆ្នាំ។ រីឯ ការសាងសង់ដំណាក់កាលទីពីរ នឹងចាប់ផ្ដើមនៅឆ្នាំ២០៣០ និងបញ្ចប់នៅឆ្នាំ ២០៣៥ និងការសាងសង់ដំណាក់កាលទីបី នៅឆ្នាំ ២០៤០ និងបញ្ចប់ឆ្នាំ ២០៥០៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
