មែនទែនទៅការប្រកាសរបស់លោក Elon Musk ធ្វើឡើង បន្ទាប់ពីមានមានសេចក្ដីរាយការណ៍អំពី ការបិទខ្ទប់ជាច្រើនខែ និង ការខ្វះខាតផ្នែកគ្រឿងបន្លាស់ផ្គត់ផ្គង់នៅក្នុងប្រទេសចិន ដែលបានគំរាមកំហែងដល់ការផលិតរថយន្តរបស់ក្រុមហ៊ុន Tesla ជាខ្លាំង។ ទោះយ៉ាងណា លោក Elon Musk បានបង្ហាញថា រោងចក្រនៅទីក្រុងសៀងហៃរបស់ក្រុមហ៊ុន Tesla កំពុងផលិតរថយន្តថ្មីៗជាច្រើនបន្ទាប់ពីការបើកដំណើរការក្នុងឆ្នាំ ២០១៩ និង ការវិនិយោគជាច្រើនឆ្នាំបន្តបន្ទាប់ទៀត។
នាពេលថ្មីៗនេះ ក្រុមហ៊ុន Tesla ត្រូវបានរាយការណ៍ថា ការលក់បានកើនឡើងនៅក្នុងត្រីមាសទី ២ នេះ ខណៈនៅក្នុងខែកក្កដា ក្រុមហ៊ុន Tesla បាននិយាយថា ខ្លួនបានចែកចាយរថយន្តចំនួន ជាង ២ សែន ៥ ម៉ឺនគ្រឿងក្នុងត្រីមាសទី២ ដែលបានកើនឡើង ២៦,៥% ពីមួយឆ្នាំទៅមួយឆ្នាំ។ ប៉ុន្តែ ចំនួនការលក់របស់ Teslaនេះ បើធៀបនឹងការលក់របស់ក្រុមហ៊ុនរថយន្តយក្សផ្សេងទៀត ដូចជា ក្រុមហ៊ុន Toyota តែមួយប៉ុណ្ណោះ បានចែកចាយរថយន្តជាង ១០ លានគ្រឿងក្នុងឆ្នាំ ២០២១។
អត្ថបទគួរអាន
យ៉ាងណាមិញ ក្រុមហ៊ុន Tesla បាននិយាយកាលពីដើមឆ្នាំនេះថា ខ្លួនគ្រោងនឹងបង្កើនការចែកចាយរថយន្តឱ្យបាន ៥០% ជារៀងរាល់ឆ្នាំ។
គួរបញ្ជាក់ថា ក្រុមហ៊ុន Tesla មានរោងចក្រផលិតរថយន្តនៅទីក្រុងសៀងហៃ និង រោងចក្រនៅរដ្ឋកាលីហ្វ័រញ៉ា រដ្ឋតិចសាស់ក្នុងសហរដ្ឋអាមេរិក និង នៅជិតទីក្រុងប៊ែរឡាំងក្នុងប្រទេសអាល្លឺម៉ង់ផងដែរ។ លោក Elon Musk បាននិយាយកាលពីខែកក្កដាថា រោងចក្រ នៅរដ្ឋកាលីហ្វ័រញ៉ា ដែលជារោងចក្រដំបូងរបស់ក្រុមហ៊ុនបានផលិតរថយន្តចំនួន ២ លានគ្រឿងហើយ។
គួរជម្រាបថា ភាគហ៊ុនរបស់ក្រុមហ៊ុន Tesla បានធ្លាក់ចុះជិត ២៥% ក្នុងឆ្នាំ ២០២២ ខណៈដែលវិនិយោគិនបាននិងកំពុងវាយតម្លៃក្រុមហ៊ុនដែលរីកចម្រើនយ៉ាងឆាប់រហ័សមួយនេះ កំពុងប្រឈមមុខនឹងបញ្ហាអតិផរណា និងបញ្ហាម៉ាក្រូសេដ្ឋកិច្ច។ លោក Elon Musk បានលក់ភាគហ៊ុនមួយចំនួនរបស់ក្រុមហ៊ុន Tesla កាលពីសប្តាហ៍មុនក្នុងតម្លៃប្រហែលជិត ៧ ពាន់លានដុល្លារ ខណៈដែលលោកត្រូវបានជាប់ពាក់ព័ន្ធនៅក្នុងវិវាទជុំវិញកិច្ចខិតខំប្រឹងប្រែងរបស់លោកក្នុងការបញ្ចប់កិច្ចព្រមព្រៀងទិញយកបណ្ដាញសង្គម Twitter ក្នុងតម្លៃ ៤៤ ពាន់លានដុល្លារ៕
