#វិស័យទេសចរណ៍

ខេត្តកោះកុង គឺជាខេត្តមួយស្ថិតក្នុងចំណោមខេត្តជាប់សមុទ្រទាំង៤ របស់កម្ពុជា ដែលសម្បូរធនធានធម្មជាតិ និងជីវចម្រុះជាច្រើន និងមានឆ្នេរសមុទ្រសរុបដល់ទៅ២១៥គីឡូម៉ែត្រ ស្មើនឹងជាង ៥០% នៃឆ្នេរសមុទ្ររបស់ប្រទេសកម្ពុជា ទាំងមូល។ ខេត្តដែលស្ថិតនៅប៉ែកនីរតីនៃប្រទេសកម្ពុជានេះ ត្រូវបានអ្នកជំនាញក្នុងវិស័យទេសចរណ៍ អះអាងថា នឹងក្លាយជាខេត្តគោលដៅទេសចរណ៍ធម្មជាតិ ដ៏មានសក្ដានុពលខ្លាំងជាងគេ បើធៀបនឹងបណ្ដាខេត្តជាប់មាត់សមុទ្រដទៃទៀតនាថ្ងៃអនាគត។