​ ខេមបូណូមីស

បើគ្មានអ្វីប្រែប្រួលទេ កម្ពុជា និងថៃនឹងចុះហត្ថលេខាលើកិច្ចព្រមព្រៀងសន្តិភាព នៅថ្ងៃទី២៦ ខែតុលា នេះ នៅក្រៅកិច្ចប្រជុំកំពូលអាស៊ាន ដោយមានការចូលរួមធ្វើជាសាក្សីពីលោក ដូណាល់ ត្រាំ ប្រធានាធិបតីអាម៉េរិក និងនាយករដ្ឋម៉ាឡេស៊ី លោក អាន់វ៉ា អ៊ីប្រាហ៊ីម ក្នុងនាមជាប្រធានប្តូរវេនអាស៊ាន។ ក្រោយដំណឹងនេះបានលេចធ្លាយ យើងសង្កេតឃើញថា ក្រុមយោធា និងរដ្ឋាភិបាលថៃ ហាក់មានការខ្វែងគំនិតគ្នាជុំវិញកិច្ចព្រមព្រៀងសន្តិភាពនេះ ដោយយោធាថៃ បានចេញមកអះអាងផ្ទុយពីអ្វី ដែលរដ្ឋាភិបាលស៊ីវិលបានសន្យាជាមួយកម្ពុជា។