​ ខេមបូណូមីស

រដ្ឋាភិបាលចិន បានបន្ធូរបន្ថយលក្ខខណ្ឌនៃការបង្វិលប្រាក់ពន្ធត្រឡប់ទៅឱ្យភ្ញៀវទេសចរបរទេស ពោលគឺភ្ញៀវទេសចរបរទេសអាចស្នើសុំប្រាក់ ដែលពួកគេបានបង់ពន្ធត្រឡប់ទៅវិញ ប្រសិនបើពួកគេចំណាយថវិកាអស់ប្រមាណ២៧ដុល្លារ លើទិញទំនិញក្នុងហាងតែមួយ ក្នុងថ្ងៃតែមួយ ខណៈកាលពីមុនតម្រូវឱ្យចំណាយរហូតដល់៦៩ដុល្លារឯណោះ។ ការបន្ធូរបន្ថយនេះ គឺដើម្បីជំរុញការប្រើប្រាស់ ស្របពេលសេដ្ឋកិច្ចចិន កំពុងរងសម្ពាធដោយសារការដាក់ពន្ធរបស់សហរដ្ឋអាម៉េរិក។ នេះបើតាមការចេញផ្សាយរបស់សារព័ត៌មាន អេភី។