​ ខេមបូណូមីស

សមាគមស្វាយចន្ទីកម្ពុជា បានអះអាងថា វិស័យស្វាយចន្ទីកម្ពុជា នៅតែរក្សាបានភាពធន់នៅក្នុងឆ្នាំ២០២៥ កន្លងទៅនេះ បើទោះបីរងការរំខានពីបញ្ហាការប្រែប្រួលអាកាសធាតុយ៉ាងណាក្តី។ បើយោងតាមរបាយការណ៍ក្រៅផ្លូវការរបស់សមាគមស្វាយចន្ទីកម្ពុជា នៅពេញមួយឆ្នាំ២០២៥ កម្ពុជា បាននាំចេញគ្រាប់ស្វាយចន្ទីឆៅបានជាង១លានតោនទៅកាន់ទីផ្សារអន្តរជាតិ ជាមួយទឹកប្រាក់ប្រមាណ១ពាន់៥រយលានដុល្លារកើនឡើង២៧% បើធៀបនឹងឆ្នាំ២០២៤។ សមាគមស្វាយចន្ទីកម្ពុជា មានសុទិដ្ឋិនិយមថា ការផលិត និងការនាំចេញគ្រាប់ស្វាយចន្ទីនៅឆ្នាំ២០២៦ នឹងមានការកើនឡើងបន្ថែមទៀត។