សោម ស្រីពេជ្រ

ក្រោយរាជរដ្ឋាភិបាលកម្ពុជា បង្កើនការរឹតបន្តឹងលើការត្រួតពិនិត្យរកសារធាតុគីមីម្យ៉ាង ដែលអាចបង្កឱ្យកើតជំងឺមហារីកនៅលើផ្លែទុរេននាំចូលពីប្រទេសជិតខាង មកទល់ពេលនេះអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) មិនបានរកឃើញសារធាតុគីមីនៅលើគំរូសំណាកផ្លែទុរេន ដែលត្រូវបានយកទៅត្រួតពិនិត្យនោះទេ។ ប៉ុន្តែអគ្គនាយកដ្ឋាន ក.ប.ប កំពុងត្រួតពិនិត្យ និងវិភាគលើលទ្ធផលគំរូសំណាកលើផ្លែទុរេនមួយ ក្រោយសង្ស័យថា អាចមានផ្ទុកសារធាតុគីមីហាមឃាត់។