Latest

ទំនាក់ទំនងរវាងចិន និងអូស្ត្រាលីកាន់តែយ៉ាប់យ៉ឺនទៅៗហើយនៅមួយរយៈពេលចុងក្រោយនេះ ជួនចំពេលដែលប្រទេសចិន និងប្រទេសលោកខាងលិចក៏កំពុងប្រជែងឥទ្ធិពលគ្នាកាន់តែខ្លាំងផងដែរ។ យ៉ាងណាមិញថ្មីៗនេះ ពោលគឺនៅប៉ុន្មានថ្ងៃបន្ទាប់ពីរដ្ឋាភិបាលអូស្ត្រាលីបានលុបចោលកិច្ចព្រមព្រៀងស្ដីពីគម្រោងផ្លូវ១ ខ្សែក្រវាត់១ ដែលខ្លួនបានធ្វើជាមួយក្រុងប៉េកាំងរួចមក ឥឡូវនេះ រដ្ឋាភិបាលចិនក៏បានប្រកាសព្យួរយន្តការ «កិច្ចសន្ទនាសេដ្ឋកិច្ចយុទ្ធសាស្ត្ររវាងចិន-អូស្ត្រាលី» វិញម្ដង ដោយគ្មានការកំណត់ជាក់លាក់ថានឹងបន្ដឡើងវិញនាពេលណានោះទេ។