Latest

ក្រោយប្រទេសថៃ និងមីយ៉ាន់ម៉ា រងការវាយប្រហារពីគ្រោះរញ្ជួយដីកម្រិត៧,៧ រ៉ិចទ័រ ដែលបណ្តាលឱ្យបាក់រលំអគារ និងសម្លាប់មនុស្សជាច្រើននាក់ កាលពីពេលថ្មីៗនេះ ប្រមុខរាជរដ្ឋាភិបាលកម្ពុជា បានណែនាំដល់ក្រសួងស្ថាប័នជំនាញ និងក្រុមហ៊ុនសាងសង់ទាំងអស់ត្រូវពិនិត្យឱ្យបានហ្មត់ចត់លើការរៀបចំស្តង់ដាគុណភាពសំណង់ ជាពិសេសសំណង់អគារខ្ពស់ៗ ដើម្បីបង្ការហានិភ័យណាមួយ ដែលអាចកើតមានឡើងដោយសារបញ្ហាសំណង់អគារមិនរឹងមាំ។ អ្នកជំនាញបានចាត់ទុកការណែនាំរបស់ប្រមុខរាជរដ្ឋាភិបាលកម្ពុជា នេះ គឺជាសារដាស់តឿនដ៏សំខាន់មួយ ដើម្បីលើកម្ពស់វិស័យសំណង់នៅកម្ពុជា។