ព័ត៌មាន

កាលពីពេលថ្មីៗនេះមានក្រុមហ៊ុនឥណ្ឌាមួយឈ្មោះ វ៉ូយ៉ាក Voyage India បានប្រើរូប និងឈ្មោះអង្គរវត្តកម្ពុជានៅលើសម្បកវេចខ្ចប់លើអង្ករមួយប្រភេទ ដែលបានចរាចរលក់នៅតាមទីផ្សារ និងប្រព័ន្ធអនឡាញ ហើយត្រូវបានគេចែករំលែកព្រោងព្រាតនៅលើបណ្តាញសង្គម ហើយក្រោយមានការតវ៉ាពីភាគីកម្ពុជា ពេលនេះក្រុមហ៊ុនឥណ្ឌានោះ បានឈប់ប្រើប្រាស់រូបភាព និងឈ្មោះអង្គរវត្តរបស់កម្ពុជាទៀតហើយ។ ជុំវិញបញ្ហានេះ អ្នកជំនាញក្នុងវិស័យស្រូវអង្ករអះអាងថា បញ្ហានេះមិនបានជះឥទ្ធិពលធ្ងន់ធ្ងរដល់កេរ្តិ៍ឈ្មោះ និងការនាំចេញអង្កររបស់កម្ពុជានោះទេ។