ព័ត៌មាន

អ្នកជំនាញក្នុងវិស័យទេសចរណ៍កម្ពុជា និងគណៈប្រតិភូធុរកិច្ចទេសចរណ៍មកពីប្រទេសឥណ្ឌាចំនួន៣៥ក្រុមហ៊ុននឹងមកជួបប្រជុំគ្នានៅក្នុងព្រឹត្តិការណ៍ទេសរណ៍ Cambodia Travel Match (CTM) ដែលនឹងប្រព្រឹត្តទៅចាប់ពីថ្ងៃទី១៧ ដល់ថ្ងៃទី ២៣ ខែកក្កដា ឆ្នាំ២០២៦ ខាងមុខនេះ។ ព្រឹត្តិការណ៍ដ៏មានសារៈសំខាន់នេះត្រូវបានរៀបចំឡើងដោយសមាគមទេសចរណ៍អាស៊ីប៉ាស៊ីហ្វិកប្រចាំកម្ពុជា (PATA) ក្រោមការរំពឹងទុកយ៉ាងមុតមាំថា នឹងក្លាយជាកាតាលីករដ៏មានឥទ្ធិពលក្នុងការរឹតចំណងកិច្ចសហប្រតិបត្តិការ និងបើកទំព័រប្រវត្តិសាស្ត្រថ្មីនៃវិស័យទេសចរណ៍រវាងប្រទេសទាំងពីរ។