អាម៉េរិក និងវៀតណាមឈានដល់ការចរចាកិច្ចព្រមព្រៀងពាណិជ្ជកម្ម ក្រោយពន្ធបដិការត្រូវបានពន្យារពេល៩០ថ្ងៃ

តំណាងពាណិជ្ជកម្មអាម៉េរិករូបនេះបាននិយាយតាមប្រព័ន្ធផ្សព្វផ្សាយសង្គម X ដោយបានទទួលស្គាល់កិច្ចប្រជុំនេះថា ការពិភាក្សាជាមួយនឹងលោក ហ្វុក បានគ្របដណ្តប់លើពាណិជ្ជកម្មទៅវិញទៅមក និងឱកាសសេដ្ឋកិច្ចដ៏ធំនៅក្នុងទំនាក់ទំនងទ្វេភាគីរបស់ពួកគេ។

សេតវិមានបានលើកឡើងថា ទោះបីពន្ធបន្ថែមត្រូវបានផ្អាកការអនុវត្តក៏ដោយ ប៉ុន្តែពន្ធ១០%លើការនាំចូលស្ទើរទាំងអស់របស់សហរដ្ឋអាម៉េរិកនឹងនៅដដែលហើយរដ្ឋបាលរបស់លោក ដូណាល់ ត្រាំ ប្រធានាធិបតីអាម៉េរិកនឹងបន្តពិភាក្សាជាមួយនឹងដៃគូពាណិជ្ជកម្មផ្សេងៗ ដើម្បីដោះស្រាយឧបសគ្គពាណិជ្ជកម្ម។

គួរបញ្ជាក់ថា ប្រទេសវៀតណាម ដែលជាមូលដ្ឋានផលិតកម្មដ៏សំខាន់នៅក្នុងតំបន់សម្រាប់ក្រុមហ៊ុនលោកខាងលិចជាច្រើនកាលពីឆ្នាំមុននោះ មានអតិរេកពាណិជ្ជកម្មជាង១២៣ពាន់លានដុល្លារជាមួយសហរដ្ឋអាម៉េរិក ដែលជាទីផ្សារនាំចេញធំបំផុតរបស់ខ្លួន។ ទន្ទឹមនឹងនេះអ្នកក្បែរខាងកម្ពុជាមួយនេះបានប្តេជ្ញានឹងជួយសម្រួលឱ្យមានការវិនិយោគរបស់វិនិយោគិនអាម៉េរិកនៅលើទឹកដីរបស់ខ្លួន៕

អត្ថបទ៖ សុខ មង្គល