មហាយក្សចិន ជំរុញឱ្យក្រុមហ៊ុនផលិតរថយន្តរដ្ឋរបស់ខ្លួនច្របាច់បញ្ចូលគ្នា ដើម្បីជំរុញផលិតកម្មរថយន្តអគ្គិសនី
រដ្ឋាភិបាលចិននឹងលើកទឹកចិត្តដល់ការរៀបចំរចនាសម្ព័ន្ធឡើងវិញ និងការបង្រួបបង្រួមគ្នាក្នុងចំណោមក្រុមហ៊ុនផលិតយានយន្តធំៗរបស់រដ្ឋមួយចំនួន ដែលជាផ្…
ប្រទេសចិន បានបន្តធ្វើសមយុទ្ធយោធាថ្ងៃទីពីរ នៅភាគកណ្តាល និងខាងត្បូងនៃច្រកសមុទ្រតៃវ៉ាន់ ដែលជាសរសៃឈាមដ៏សំខាន់សម្រាប់ការដឹកជញ្ជូនទូទាំងពិភពលោក។ លោកវរសេនីយ៍ឯក ស៊ី យី (Shi Yi) អ្នកនាំពាក្យបញ្ជាការយុទ្ធភូមិភាគខាងកើតរបស់ចិន បាននិយាយក្នុងសេចក្តីថ្លែងការណ៍ថា សមយុទ្ធនេះមានបំណងសាកល្បងសមត្ថភាពរបស់កងទ័ពចិន នៅតាមផ្នែកមួយចំនួនដូចជាការទប់ស្កាត់ ការគ្រប់គ្រង និងការវាយប្រហារលើគោលដៅសំខាន់ៗ។
ក្រសួងការពារជាតិ តៃវ៉ាន់ បានអះអាងថា សមយុទ្ធយោធារបស់ចិន កំពុងបន្ត ប៉ុន្តែមកដល់ពេលនេះមិនទាន់មានសញ្ញានៃសមយុទ្ធបាញ់គ្រាប់ពិតនោះទេ។ តៃវ៉ាន់ ជាចំណុចដ៏សំខាន់មួយរវាងចិន និងអាម៉េរិក ដែលជាដៃគូសន្តិសុខដ៏សំខាន់បំផុតរបស់កោះតៃវ៉ាន់។
ក្រសួងការបរទេសអាម៉េរិក ចាត់ទុកសកម្មភាពយោធាដ៏គឃ្លើនរបស់ទីក្រុងប៉េកាំង ចំពោះតៃវ៉ាន់នឹងធ្វើឱ្យមានភាពតានតឹងកាន់តែខ្លាំងឡើង និងអាចធ្វើឱ្យសន្តិសុខក្នុងតំបន់ និងវិបុលភាពរបស់ពិភពលោកស្ថិតក្នុងហានិភ័យ។ មេដឹកនាំចិន ប្រឆាំងយ៉ាងដាច់អហង្ការចំពោះការគាំទ្ររបស់ទីក្រុងវ៉ាស៊ីនតោន ចំពោះតៃវ៉ាន់ និងបានហៅលោក ឡៃ ជាអ្នកបំបែកខ្លួន។
សមយុទ្ធនៅច្រកសមុទ្រតៃវ៉ាន់នេះ បានធ្វើឡើងមួយថ្ងៃបន្ទាប់ពីចិន បានបញ្ជូនកងទ័ពជើងទឹក ជើងអាកាស និងកងកម្លាំងរ៉ុក្កែតរបស់ខ្លួនទៅឡោមព័ទ្ធកោះតៃវ៉ាន់ សម្រាប់សមយុទ្ធដែលទីក្រុងប៉េកាំង បាននិយាយថា មានបំណងអនុវត្តសម្រាប់ការវាយប្រហារយ៉ាងជាក់លាក់ និងការបិទផ្លូវផងដែរ។ សមយុទ្ធរបស់ចិននេះ បានជំរុញឱ្យរដ្ឋាភិបាលក្រុងតៃប៉ិ បញ្ជូនកងកម្លាំងរបស់ខ្លួនជាផ្នែកមួយនៃលំហាត់យោធាឆ្លើយតបរហ័ស។
ក្រុមអ្នកវិភាគបានប៉ាន់ស្មានថា ប្រទេសចិន ទំនងជាប៉ុនប៉ងហ៊ុមព័ទ្ធកោះតៃវ៉ាន់ ជាជាងបើកការឈ្លានពានគ្រប់ជ្រុងជ្រោយដែលវាអាចមានគ្រោះថ្នាក់ ដូច្នេះហើយចិន ទំនងជានឹងដាក់ពង្រាយយោធារបស់ខ្លួនកាន់តែច្រើនថែមទៀតនៅឆ្នាំនេះ៕
អត្ថបទ៖ សុខ មង្គល
